Aste honetan koloretako munstroaren bisita izan dugu ikastolan!
Koloretako munstroa emozio ezberdinak nahastuta dituen munstroa da. Emozio hauek: tristura, alaitasuna, lasaitasuna, beldurra, amorrua eta maitasuna dira. Ziur denok ezagutzen dituzuela emozio hauek! Baina ipuina oraindik ezagutzen ez baduzue... hemen daukazue bideotxo bat!
Koloretako munstroa gu konturatu gabe gelara etorri zen eta oparitxo bat utzi zigun! Ezagutzen duzue EMOZIOTEGIA liburua? Ba horixe bera oparitu digu!
Aste honetan beraz kolore eta emozioetan murgilduta ibili gara, hauek izendatu, identifikatu... Gelara ere etorri dira koloretako munstroak!
Egunero ipuin ezberdin bat irakurri digute irakasleek eta guk zein emozio agertu diren, guri zein emozio eragin diguten azaldu dugu.
Beraz aste honetan kolore eta emozioetan murgilduta ibili gara! Lehenengo forma ezberdinetako txarteltxoak egin ditugu, 5 edo 6 forma (baldin eta maitasuna ere kontatzen bagenuen), eta guk nahi ditugun formak eman dizkiogu, izarrak, bihotzak, borobilak, launkiak, triangeluak... eta bakoitza kolore batez margoztu dugu, berdea, gorria, horia, beltza, urdina eta/edo larrosa. Hau egin ostean, atzean idatzi diogu kolore bakoitzari zein emozio zegokion.
Hurrengo egunean koloretako munstroa egin dugu! Begira zein politak geratu diren!
Orain gure gela ere koloretako munstroez beteta dago eta guk ere badakigu noiz sentitzen ditugun emozio bakoitza!
Honez gain hauek dira landu ditugun ipuinak
Beldurra 
Maitasuna
iruzkinik ez:
Argitaratu iruzkina