Elurretako panpina berrerabilitako materialarekin

Neguarekin lotuta, beste eskulan polit bat ere egin dugu plastikako gunean. Kasu honetan, berrerabilitako materiala erabili dugu gure elurretako panpina egiteko. 

Hasteko, haur bakoitzak etxean zuen plastikozko botila txiki bat ekarri du Ikastolara. Gero, gelan genuen erabilitako papera aprobetxatuz, hau txiki txiki egin eta botilak bete ditugu. Ondoren, begiak, sudurra, ahoa... gure sormenaren arabera ipini dizkiogu. Eta bukatzeko, pinotxo papera erabili dugu gure panpinari bufanda egiteko. 

Begiratu zein politak gelditu diren!

Liburutegira bisita

Gaur HH05 urtekoak Gotzon Garate Udal Liburutegian izan gara Maite Franco ipuin kontalariaren istorioak entzuten.

Hiru istorio labur kontatu dizkigu: lehena, erabat barregarria. Untxi familia bati buruzko izan da, Ximun izeneko untxi txikiak "txorikaka" besterik esaten ez zekiena, eta otsoa agertu denean ere, ezin izan duena "txorikaka" hitza gordetzerik izan. 

Bigarrena, berriz, beldugarria izan da, edo hori adierazi digu Maitek, baina, hemen ere barre galantak egin ditugu. Alberto edo Roberto izeneko untxi bati buruzkoa izan da. Ez, ez, bere izena Rigoberto zen. Ilunpean menditik jaisten diren otsoen beldur zena, baina, dena urtebetze sorpresa batean amaitu dena, kandelak eta guzti izan ditugu! 

Azkenengoan, dibertigarria izan behar zuen horretan, parte hartzeko aukera izan dugu antzerkitxo bat eginez. Txanogorritxoren moldaketa bat izan da, amonarekin, otsoarekin, eta lau anai-arrebekin, bata txanogorritxo, bestea txanourdintxo, hirugarrena txanozuritxo eta azkena txanobeltzitxo. Hori piura bertako jantziekin!

Oso-oso ondo pasa dugu eta hilean behin antolatzen duten ipuin-kontalarien dinamika nolakoa den ikusteko aukera izan dugu. Gogotsu gaude hurrena noiz helduko den jakiteko!!!!

Emanaldi Pedagogikoa: Negua

Azkenean heldu zen horrenbeste itxarondako eguna!

Ostegunean gurasoentzako emanaldia egin genuen. Hainbat entsegu egin genituen gurasoen aurrean antzeztu aurretik. Aurten Neguan oinarritutako emanaldia egin dugu, ikasi eta landu ditugun elementuak oinarritzat hartu ditugu eta emanaldian erakutsi nahi izan dizuegu. Espero dugu gustatu izana!

Emanaldi Pedagogikoa: Negua

Neguaren inguruko proiektuak

Gabonetako oporretatik bueltatu eta sekulako energiarekin hasi dugu urtea ikastolan! Gabonetan ondo deskantsatu, jolastu, gurasoekin egon, opariak hartu, parkean egon, opor txikiren batera joan ondoren, poz-pozik bueltatu gara denok ikastolara! Proiektuak egiteko ere izugarrizko gogoa azaldu zuten gure txikitxoek eta hemen azalduko dizkizuegu egindakoak. 

Hurrengo asteetan neguarekin loturiko hainbat proiektu txiki burutuko ditugu eta gure azken helburua, zuentzako emanaldi pedagogiko polit bat eskeintzea izango da. Horretarako lan asko egin beharko dugu eta erdiko aretoa apaintzeko ere buruari buelta batzuk eman beharko dizkiogu.

San Sebastian danborrada

Urtarrilaren 18an, San Sebastian eguna gertu zela eta, Ikastolan ere danborrada egin genuen. 

HH3, 4 eta 5eko ikasle guztiak 15:00etarako prest geunden erdiko aretoan eta musika hasi bezain laister taulak jotzen hasi ginen! Zelako zarata atera genuen!! LHko ikasle ia guztiak atera ziren pasiloetara gu ikustera!

Oso ondo pasa genuen eta San Sebastian eguna ospatuta geratu zen!