Bide Hezkuntza tailerra

Azaroaren 26an, mugikortasun astea zela aprobetxatuz, herriko bi udaltzain Ikastolan izan genituen bide hezkuntza tailerra eskeiniz. Haurrek adi entzun zituzten hauek emandako azalpenak eta prebentzioko gauzatxo mordo bat ere ikasi zituzten.

Ikusi ondorengo argazkietan zein gustura ibili ziren!

Udazkenarekin loturiko proiektua

Udazkenaren inguruan hainbat proiektu txiki burutu ditugu azken aldian. Dena den, gure ustetan gehien gustatu zaiena, Plastika gunean egin dugun udazkeneko zuhaitza izan da.

Lehenik, bi kartulina marroi moztu eta elkarrekin pegatu dituzte. Gero, udazkena hobeto irudikatzeko asmoz, hosto ezberdinak margotu dituzte. Eta bukatzeko, hosto hauek zuhaitzaren azpian itsatsi dituzte.

Begiratu zein zuhaitz politak geratu zaizkigun azkenean!

LH1-ekoen eskutik... Unibertsoa!!!

Orain dela aste batzuk LH1ekoen gonbidapena jaso genuen azalpen batzuk entzutera joateko. Beraz, azaroaren 15ean, talde bakoitza gela batera joan zen.

Bertan sartu ginenerako LH1eko ikasleak jada prest zeuden azalpenak emateko eta egia esan pixka bat urduri ere bazeuden! Unibertsoari buruz hainbat gauza kontatu zizkiguten, nola sortu zen unibertsoa, zenbat planeta dauden eguzki sisteman, hodeiek zergatik botatzen duten ura... Eta beste hainbat bitxikeria ere bai! 

Bukaeran bi dantza eskeini zizkiguten eta guri ere parte hartzeko eskatu ziguten!

Perretxiko erakusketara irteera

Hurrengo asteetan udazkenaren inguruan arituko gara. Eta gaiari hasiera emateko, perretxiko erakusketara joatea ideia ona izan zitekeela iruditu zitzaigun.

Euria ari zuenez bakoitzak bere aterkia hartu eta binaka eskutik helduta kultur etxera abiatu ginen. 
Bertan pila bat perretxiko ikusi genituen eta bakoitzak koloretako gomets bat zeukan: berdea, horia edo gorria. Ezetz asmatu gomets bakoitzak zer esan nahi zuen?

Ondoren perretxikoei buruz hizketan egon ginen eta hauei buruzko berezitasunak ere erakutsi zizkiguten.

Orain jada badakigu perretxikoei buruz zertxobait gehiago!

Bukatzeko, behin gelara bueltatutakoan, plastika gunean bakoitzak perretxiko bat egin zuen etxera eramateko.

Tetrabrik ontziez eginiko etxea

Etxea eta Ikastolaren gaiari amaiera emateko, tetrabrik ontziez osaturiko etxe handi bat egin dugu. Lan asko suposatu digun arren eta egiterako orduan geure zalantzak eta kezkak izan ditugun arren, azkenean begiratu zein polita eta sendoa geratu zaigun.