ASTE HONETAKO PROIEKTUAK

Aste honetako proiektuak honakoak dira,

Matelogika gunean, gure ortua apaintzeko mural bat osatzen ari gara. Baina ez edonola, eh? Lehenengo hiruko taldeetan jarri gara. Ondoren talde bakoitzari pieza bat eman digute eta bertan agertzen ziren batuketak eta kenketak egin ditugu. Batuketa eta kenketa horien emaitzak hartu eta zenbaki bakoitzari dagokion kolorez margoztu dugu. Ondoren margoztu eta gero muralean dagokion zatian itsatsi ditugu. 

Plastika txokoan, berrerabilitako arrautza kaxekin erlauntzak egin ditugu. Lehenengo gure erlauntza tenperekin margoztu dugu, horrela ezti irudikatzeko. Bestalde erleak moztu, margoztu eta itsatsi ditugu gure erlauntzetan. 

Azkenik, irakurketa idazketa gunean, hitz gurutzatuak eta hizki zopa egin ditugu. 

LETXUGAK LANDATZEN

Gure ortua artifizialegi ikusten genuela eta bertoko produkturik ez geneukala ikusita,  gaur arratsaldean letxuga (benetazkoak) landatu ditugu. Horretarako berrerabilitako lorontziak hartu, apaindu eta lurra bota ostean letxugak landatu ditugu bertan. Egia esan desiatzen gaude etxera eramateko eta gure gurasoek letxuga horiek jateko (badirudi gutariko askori ez zaiela gustatzen). Baina gure ortua paperezkoa izan ez dadin momentuz gure gelan utziko ditugu eta egunetik egunera nola hazten diren ikusiko ditugu eta hazi daitezen zer behar duten ere ikertuko dugu!

HARA GURE LETXUGAK!

MEKAKOEN ANTZERKIA

Gaur MEKAkoak etorri zaizkigu antzerkia egitera. 

Abestuz eta dantzatuz oso gustora ibili gara!

ASTE HONETAKO PROIEKTUAK

Kaixo familia!
Aste hau oso laburra geratu zaigu! Asteazkenean hasi ginen ikastolan berriro eta gaur MEKAkoen antzerkia izan dugu, beraz... denbora gutxi izan dugu proiektuak egiteko.

Plastika gunean lorontzi bat margoztu dugu lore eta guzti! Baina lore honek badu misterio txiki bat, jakin nahi duzue zein den? Ba ostiralean eramango dugu etxera zuek ikusteko!

Ondoren lorontzia eta landarea margoztu ondoren, atzean landarearen zati bakoitzari dagokion izena idatzi dugu.

Irakurketa idazketan, grafomotrizitatea lantzeko eta bide bateaz gure ortua apaintzeko, amona manttangorriak eta loreak marratu eta margoztu ditugu.

Proiektu berriak

Aste honetako proiektuak honako hauek dira:
Irakurketa idazketa gunean, talde txikietan bildu eta barazki eta fruta ezberdinen hitzen soinuak identifikatzen saiatu gara. Gure gelakoen izenen soinu berdinekin alderatuz edota ezagutzen ditugun hitzekin lotuz errazago egin dugu.

Mate-logika gunean, batuketa batzuk egin ditugu. Horretarako fruitu eta barazki kopurua zenbatu dugu eta hau egin ostean biak batu ditugu.

Plastika gunean, gure ortua sortzeko barazki, fruitu eta intsektuak egin ditugu, teknika ezberdinak erabiliz. Tomateak, zerbak eta intsesktuak margotu egin ditugu, letxugak zetazko paperarekin egin ditugu eta ilarrak kartulina eta zetazko papera biribilduz egin dugu. Azenarioak kartulina tolestuz egitea lortu dugu eta piperrak, aldiz, plastilinarekin. Ez dakizue zein polita gelditzen ari den,,, aurrerago ikusi ahal izango duzue!

ESPERIMENTAZIO GUNEARI BIZI BERRIA EMATEN

Aste honetan esperimentazio tailerra zabaldu da, eta bai zabaldu ere!

Aurreko asteetan gure irakasleak gune horren inguruan ibili dira, behatzak kokotxaren gainean zituztela eta pentsati xamar bezala. Alde batetik begiratzen zuten, bestetik begiratu... eta azkenean gutxinaka gutxinaka gauza desberdinak ekartzen joan dira.

Guk irrikaz galdetu diegu egunero ea zer zen hor zegoena, zertarako zen, nork erabili ahalko zuen... eta hara non astelehenean azaldu ziguten gune honetan nola ibili gaitezkeen!

Gure harridurarako derrigorrezkoa da zapatak eta galtzerdiak kentzea!

Lurrean material ezberdina dago bakoitza bere texturarekin, hala nola: dilistak, hondarra, koltxoneta, mimbrezko panelak eta belar artifiziala.

Eremu batetik bestera oin hutsik ibiltzen gara eta zelako plazera horrenbeste textura ezberdinen artean! 

Hona hemen argazki batzuk:

Aste honetako proiektuak!

Udaberria gaiarekin hasi gara eta aurreko astean gela apaintzeko UDABERRIA hitza apaindu genuen eta lore ezberdinak egin genituen, zelofanezko papera erabiliz.

Aste honetan, aldiz, mate-logika gunean "Babarrun ale magikoak" ipuineko haurrari gaztelutik jaisten lagundu diogu eta horretarako laukitxoak zenbatu eta norabide egokian eraman behar izan dugu.

Irakurketa-idazketa gunean, babarrunen sekuentzia zein den ezagutu dugu eta hipotesiak egin ditugu. Ondoren sekuentzia horiek moztu, ordenatu eta bakoitzean zer gertatzen zen idatzi dugu. Zein ote da hurrengo pausoa? Laister jakingo dugu...

Azkenik, plastika gunean, tximeleta batzuk egin ditugu, baina ez edozen modutako tximeletak...Gure argazkiarekin eginiko tximeleta baizik! Denok tximeleta bihurtu gara eta material ezberdinekin gure hegalak apaindu ditugu! Eta gero...erdiko aretoan itsatsi ditugu guztiak!!