HH5 gela birtuala

2017(e)ko urriaren 11(a), asteazkena

NEURTZEN!

Aste labur honetako proiektu proposamena ezberdina izan da. Gelako, pistetako eta erdiko aretoko hainbat elementu neurtu ditugu. Oraingo honetan gelaka burutu dugu, izan ere, talde lana eta kohesioaren garrantziaz jabetzea ezinbestekoa da eta denok batera elkarnanean aritzeko modu paregabea izan da aste honetako proiektua.

Ondoren, hiru gela elkartu eta bakoitzaren neurketak amankomunean jarri ditugu.

Oso gustura ibili dira metroarekin esperimentatzen!

2017(e)ko urriaren 10(a), asteartea

BIDEO SAIOA ERDIKO ARETOAN

Pasa den asteazkenean lehenengo aldiz bideo saioa erdiko aretoan egin genuen. Zineman bezala egon ginen! Hain ondo geunden lau urtekoak ere gurekin bideoa ikustera animatu zirela. Hemen dituzue argazki batzuk.

Gaur ere bertara joango gara!

2017(e)ko urriaren 4(a), asteazkena

Aste honetako proiektu proposamenak

Aste honetan ETXEA ETA IKASTOLA gaiarekin jarraituz, haurrek proposaturiko proiektu batetik abiatu gara. Aurreko astean 3Dko etxeak eta ikastolak egin genituen eta herri bat sor genezakeela otu zitzaigun.

Beraz aste honetan herri bateko bizilagunak sortuko ditugu material naturalekin.

Bestalde motrizitate fina eta zenbakiak ere landuko ditugu ariketa batzuen bitartez. Ona hemen gaurko argazki batzuk!